يعنى ايه بروتين علاجي ل الشعر او كرياتين وايه الفرق بينهم وهل ليهم دور في فرد الشعر؟

الاول وباختصار شديد عشان نفهم صح لازم نأخذ فكره مبسطه عن تكوين الشعر بدون تعقيد

1- تركيب الشعرة

الشعرة يتكوّن من 3 طبقات رئيسية:

• • الطبقة الخارجية (Cuticle) – قشور واقية متشابكة
  • الجزء الداخلي (Cortex) –وده المسؤول عن قوّة الشعر ومرونته ولونه والاهم شكله.

• المكوّن الأساسي  ل الجزء الداخلي (Cortex) هو بروتين الكيراتين الى بتكون منه أكثر من 80% من تكوين الشعرة كلها تقريبًا. يعنى الكيراتين هو المكون الأساسي في تكوين الشعر وبيكون مربوط مع بعضه من خلال روابط الكبريت الغنية جدًا بالأحماض الأمينية (خصوصًا السيستين) الروابط دي الى عليها كل الشغل لان هي العامل الكبير المسؤل عن تحديد شكل الشعر
• يعنى الى بيحدد الشكل الدائم ل الشعر مستقيم او مموج او كيرلي او حتى افريقي هي روابط الكبيريت الي موجودة داخل الشعر بالتحديد في الجزء الداخلي (Cortex) 

• بمعني ادق ترتيب روابط الكبريت الي بين جزيئات الكيراتين في الشعر بتحدد الشكل الدائم للشعر

(مموج، ناعم، أو مجعد).

وأي عملية فرد / صبغة قوية تشتغل أساسًا عن طريق التأثير على روابط الكبريت وتغيير شكل ألياف الكيراتين الي موجودة في   الجزء الداخلي (Cortex)

يعنى لو حبينا نسهل الموضوع أكثر وخلناه في صيغه سؤال. الشعر بيتكون من إيه أصلاً؟

تخيّلي الشعر خصلة صغيرة…
جواها فيه “مباني” متكوّنة من

• طوب اسمها: بروتين الكيراتين
• واسمنت: الى هو الروابط والروابط أقوى نوع فيها بيحدد الشكل الدائم هي روابط الكبريت
• في كمان روابط بس أضعف من الكبريت ممكن تغير شكل الشعر بس مش بشكل دائم اسمها روابط هيدروجينية.

إذن:

الكيراتين = البروتين الطبيعي اللي ربنا خلق منه الشعرة.

لما يتكسر أو يقلّ → الشعر يضعف، ويتقصف، ويهيش.

2-الفرق بين Hydrolyzed Keratin & Hydrolyzed Protein

الأول لازم نعرف ان الكيراتين = نوع من أنواع البروتين

✅ البروتين هو المفهوم الأعم

🔍 يعني إيه “البروتين هو الأعم” ؟

يعني البروتين ممكن يكون كيراتين او أي بروتين من أي مصدر اخر زي:

• بروتين قمح
• بروتين صويا
• بروتين حرير
• بروتين كولاجين
• بروتين أرز

ملحوظة:
كل ما كان البروتين ده حجمه صغيره يعني تم تكسيره لجزيئات أصغر كل ما الامتصاص والتأثير كان أفضل عشان تقدر تلتصق بسطح الشعرة وتخترق طبقاتها الداخلية.

 ودي ليها أكثر من صوره اشهرها:

البروتينات المتحللة:

• Hydrolyzed Proteins
• Hydrolyzed Keratin

هو شكل مهدرج من بروتين الكيراتين الطبيعي الموجود في الشعر والأظافر والجلد. يعني ببساطة هو الكيراتين نفسه بس متكسر لجزيئات أصغر عشان يسهل امتصاصه ودخوله في الشعرة. دوره الأساسي إنه يعوّض الكيراتين المفقود ويقوّي بنية الشعر بشكل قريب من تركيبته الطبيعية.

• Hydrolyzed Protein

هو مصطلح أوسع، ممكن يشمل أنواع بروتينات مختلفة زي بروتين القمح أو الصويا أو الحرير، اللي تم تكسيرها لجزيئات أصغر ايضا. البروتينات دي تستخدم لتقوية الشعر، تحسين مرونته، وتقليل التلف، لكن مش شرط تكون كيراتين بالذات.

وليه أنواع وكل نوع ليه خواص مختلفه حسب الاستخدام زي

Hydrolyzed Wheat Protein

يحسّن الالتحام على سطح الشعرة، يزيد الإلَستيكِيّة ويقلل الهيشان ويُستخدم بكثرة في اسبراي وكريمات التنعيم.

Hydrolyzed Silk Protein

مشهور بإضافة لمعان ونعومة وحماية من التلف الحراري.

خلاصة الفرق

• Hydrolyzed Keratin: نوع محدد من البروتين المهدرج مصدره الكيراتين نفسه.
• Hydrolyzed Protein: بروتينات عامة مهدرجه من مصادر مختلفة، مش شرط تكون كيراتين.

يعني باختصار كل Hydrolyzed Keratin هو نوع من الـ Hydrolyzed Protein، لكن مش كل Hydrolyzed Protein هو كيراتين.

3- يعني إيه “علاج بروتين” (Protein Treatment) فعّال علميًا؟

آلية العمل على الشعرة

تلتصق بسطح الشعرة (Substantivity) وتشكل طبقة رقيقة (Film-forming layer) تملأ الفراغات الدقيقة الناتجة عن التلف (في الغالب بيكون نتيجة اما الحرارة العالية او منتجات الفرد) الظاهر في القشرة cuticle نركز هنا على المكان يعني معظم شغلها على الطبقة الخارجية من الشعر مش الطبقات الداخلية يعني لم تصل ل الجزء الداخلي (Cortex) ولا اثرت على روابط الكبريت الى هي سبب رئيسي ان الشعر يكون مستقسم او مجعد

يعني هنا شغلها كله على:

• تحسّن قوّة الشد (Tensile strength) والمرونة (Elasticity) للشعر المتضرّر
• تقلل التكسر، وتحسّن اللمعان وقابلية التسريح

يعني علاج البروتين العلمي وظيفته الأساسية مقتصره فقط على:

• بروتينات متحللة تلتصق بسطح الشعرة وتخترق الأجزاء المتضررة (جزئيًا)
• تحسّن القوة والمرونة
• لا تعتمد على كسر روابط قوية ولا تحتاج درجات حرارة عالية جدًا

بمعني اخر:

✅ترميم وتقوية
❌ مش مصمم كعلاج فرد دائم

ممكن يعطي إحساس نعومة وانسيابية لأنه ينعّم سطح الشعرة، لكن مش بيغيّر شكل الشعر من كيرلي لمفرود زي الفرد.

ملحوظة مهمة:

•  الإفراط في البروتين بدون توازن مع الترطيب ممكن يخلي الشعر ناشف، وده اللي بعض خبراء الشعر بيسموه مجازًا “Protein overload” – الفكرة الأساسية هنا إن التوازن بين البروتين والمرطبات هو الأهم.
• يعنى لو هنستحدم ماسكات / سيرومات غنية بـ Hydrolyzed Keratin / Wheat / Silk / Soy  لازم توازن جيد مع المرطبات (Panthenol – Glycerin – Aloe – Oils خفيفة)

ولو التركيز عالي نقلل الاستخدام (مثلاً كل أسبوعين أو شهر) وليس يومي ثقيل، لتجنب “قساوة” الشعر من البروتين الزائد

4- يعني إيه “فرد كرياتين / بروتين” كيميائي؟

الحقيقة الصادمة للأسف ل اغلب الناس مفيش حاجه اسمها فرد بروتين او كرياتين

للأسف اضحك عليك يا أبو صلاح

أي عمليه فرد نتيجتها طويله نسبيا، حتى الان لازم بتكون عن طريق مواد كيميائية  + الحرارة.

🟩 ليه الموضوع يخدع الناس؟

لأن شركات الفرد بتسوّق الكيراتين كأنه “منتج فرد”، وهذا غير صحيح تماما ولا حتى يزيل الضرر الناتج عن الفرد فقط يقلل منه.

لكن الكيراتين نفسه لا يفرد.     اللي بيفرد هي المواد الكيميائية + الحرارة.

الكيراتين دوره في منتجات الفرد:
✔ تغطية سطح الشعرة
✔ تعويض جزء من البروتين اللي سيتضرر
✖ لكن مش مسؤول عن الفرد إطلاقًا

🧠 الخلاصة العلمية الدقيقة:

• البروتين = مصطلح عام يشمل أنواع كثيرة
• الكيراتين = نوع متخصص من أنواع البروتين
• البروتين العلاجي يعمل علاج
• الكيراتين العلاجي يعمل علاج
• الفرد لا يقوم به بروتين ولا كيراتين

  هل البروتين أو الكيراتين ممكن يبقى فرد ؟

  ❌ الإجابة: مستحيــــل.

  ليه؟

  لان البروتين → مادة علاجية سواء مهدرج أو غير مهدرج

  ✔ الكيراتين → نوع بروتين موجود أصلاً في الشعر.

  الاتنين ما عندهمش القدرة الكيميائية إنهم:

  • يكسروا الروابط الكبريتية (Disulfide bonds)
  • ولا يعيدوا بناء الروابط.
  • ولا يغيّروا شكل الشعرة من الأساس.

• يعني:

  البروتين/الكيراتين = علاج + تنعيم + تغليف مش فرد. ولا هيبقوا فرد… مهما حصل.

  حتى لو استخدمت حرارة 250–300 درجة: هيدّوا نعومة… لكن مش هيغيروا شكل الشعر كيميائيًا.

  ❗ اللي بيفرد … مش البروتين.

الفرد تقوم به مواد كيميائية + حرارة

5- ايه هي المواد المستخدمة في الفرد فعلا؟

          الفروق الأساسية بين أنواع الفرد، الهدف من الاستخدام، التركيب، الفاعلية.

أولًا:

Formaldehyde-based Straighteners

دي أقوى مواد فرد في العالم… وتشتغل على تكوين “Crosslinks” جديدة عند التسخين، وتثبّت شكل الشعرة وهي مفرودة.

  Formaldehyde القديم والممنوع تقريبًا  

يشتغل عند التسخين ويُطلق بخار يكوّن روابط جديدة على سطح الشعرة → فرد قوي جدًا.

Methylene Glycol

شكل مائي من الفورمالدهيد → يتحول لفورمالدهيد مع الحرارة.

Glyoxal / Glutaraldehyde

مركبات ألدهيدية (ديالدهيدات) تستخدم بشكل أقل لكنها تعمل نفس الفكرة.

⭐ دي كانت الأساس في “Brazilian Blowout” القديم فرد قوي… لكن مخاطر عالية على الجهاز التنفسي والجلد.

ثانيًا: المواد الحمضية الحديثة ( الجيل الجديد)

Formaldehyde-free

دي اللي عليه السوق دلوقتي… وتشتغل بطريقة مختلفة: تغيّر بنية الروابط في الشعرة مؤقتًا + تغليف حراري

• Glyoxylic Acid

النجم الأول في كل “كيراتين خالي من الفورمالدهيد”.
يشتغل مع حرارة المكواة 200–230°.
يعطي فرد متوسط → قوي حسب التركيز.

• Glyoxyloyl Carbocysteine

مزيج من Glyoxylic Acid + أحماض أمينية.
ينعم الشعر جدًا ويعطي فرد حلو من غير فورمالدهيد.

• Glyoxyloyl Keratin Amino Acids

نفس الفكرة بس مع كيراتين مهدرج، يلتصق أحسن على الشعرة.

• Lactic Acid Straightening / Malic Acid / Oxo-acids

بعض الشركات تستخدم أحماض عضوية قوية تشتغل على تنظيم الروابط الهيدروجينية، لكن نتيجتها أخف.

طريقة العمل:

فرد الجلايوكسيليك (Formaldehyde-free Keratin / Brazilian Keratin)

• ما يكسرش الروابط الكبريتية
• يشتغل كيميائيًا على سطح الشعرة
• يغيّر شكل الروابط الهيدروجينية الضعيفة
• يكوّن طبقة “صلبة” بعد الحرارة
• يثبّت الشكل الجديد 2–4 شهور

الفرد هنا:

• مش دائم
• مجرد “تمليس” + تغليف حراري
• يرجع الشعر لطبيعته مع الغسيل والنمو

الأمان:

• أفضل من الفورمالدهيد
• لكن له مخاطر (لو التركيز عالي) بسبب تحول الجلايوكسيليك لأكسالات في الجسم

ثالثًا: المواد القلوية القوية (Relaxers)

ده عالم تاني… اسمه Relaxers، قوي جدًا ويغيّر الروابط الكبريتية نفسها.

• Sodium Hydroxide الريلاكسير الكلاسيكي

يفك الروابط الكبريتية (Disulfide Bonds) → فرد دائم.
قوي جدًا… خطير جدًا.

• Calcium Hydroxide

أخف من الصوديوم لكنه نفس الفكرة.

• Lithium Hydroxide / Potassium Hydroxide
• Guanidine Hydroxide

يعمل Relaxing قوي مع تلف كبير لو مش محسوب.

طريقة العمل:

الريلاكسير Relaxers (Hydroxide-based individual)

الصوديوم – الكالسيوم – الليثيوم – الجوانين

• يفكّ الروابط الكبريتية (Disulfide bonds)
• يعيد بناء الشعر في شكل مفرود
• يتم “تثبيت” الشكل الجديد بالنيتراتور

الفرد هنا:

• دائم تمامًا
• الشعر لن يعود أبدًا لطبيعته إلا بالقص
• أقوى أنواع الفرد
• أخطر نوع من ناحية التلف

الأمان:

• مخاطر عالية لو الاستخدام مش مضبوط
• ممكن يسبب تقصف + تساقط + حروق فروة

⭐ الفرق المختصر في جملة واحدة:

✔ Glyoxylic Acid = فرد مؤقت يعتمد على التغليف + الحرارة.

✔ Relaxer = فرد دائم يكسر الروابط الكبريتية ويعيد بناء الشعرة بالكامل.

رابعًا: Ammonium Thioglycolate (Thio)

ده اللي بيستخدموه في فرد الشعر البارد مثل فرد Wella القديم.

6- ازاي تتعرفي على نوع الفرد المستخدم والآثار الجانبية ليه واضراره من خلال المنتج نفسه.

• لو لقيت المواد دي = المنتج علاج فقط (مش فرد)

• Hydrolyzed Keratin
• Hydrolyzed Wheat Protein
• Hydrolyzed Silk Protein
• Amino Acids
• Arginine
• Collagen
• البانثينول:
• Oils
• Butters
• Cationic conditioners (BTMS – Behentrimonium Chloride)

✔ ده منتج علاجي فقط

مستحيل يفرد الشعر
حتى لو مكتوب عليه “Protein Treatment”.

• 🟧 لو لقيت المواد دي = فرد مؤقت

🔸 مركبات الجلايوكسيليك (Glyoxylic-based):

• Glyoxylic Acid
• Glyoxyloyl Carbocysteine
• Glyoxyloyl Keratin Amino Acids
• Carbocysteine
• Oxoacetamide / Oxo-acid complexes

✔ ده فرد نص دائم

يقعد من 2–4 شهور
مش بيكسر روابط الكبريت
شعر يرجع طبيعي تدريجيًا.

• 🟥 لو لقيت المواد دي = المنتج فرد دائم (Relaxer)

🔥 المواد القلوية:

• Sodium Hydroxide
• Calcium Hydroxide
• Potassium Hydroxide
• Lithium Hydroxide
• Guanidine Hydroxide (من خلط كربونات الكالسيوم + غوانيدين كربونات)

✔ ده أقوى نوع فرد

يغيّر شكل الشعر للأبد
ميتحلش إلا بالقص.

• 🟦 لو لقيت المواد دي = فرد قوي (Thioglycolate-based)

• Ammonium Thioglycolate
• Thioglycolic Acid
• Ammonium Sulfite (أخف)
• Sodium Sulfite

✔ ده فرد دائم أو قريب من الدائم

من غير حرارة قوية
لكن محتاج Neutralizer.

📚 المراجع العلمية (المصادر)

1. Yang, F.C. et al. “The structure of people’s hair.” Journal of Structural Biology, 2014.

2. De Paula, J.N.H. et al. “Effects of chemical straighteners on the hair shaft and scalp.” Anais Brasileiros de Dermatologia, 2022.

3. Cruz, C.F. et al. “Changing the shape of hair with keratin peptides.” RSC Advances, 2017.

4. Breakspear, S. “Chemical bonds and hair behaviour—A review.” International Journal of Cosmetic Science, 2024.

5. Cosmetic Ingredient Review (CIR) Expert Panel. “Safety assessment of hydrolyzed source proteins used in cosmetics.” Panel book, 2012.

6. Max Green Alchemy – Hydrolyzed Proteins Overview. Summary citing Journal of Cosmetic Science data on hydrolyzed soy protein improving hair tensile strength and elasticity, 2023.

7. ANSES (French Agency for Food, Environmental and Occupational Health & Safety). “Warning on the risks of hair straightening products containing glyoxylic acid.” 2024.

8. Robert, T. et al. “Hair-straightening cosmetics containing glyoxylic acid may induce acute kidney injury.” Kidney International, 2024.

9. Abu-Amer, N. et al. “Acute Kidney Injury following Exposure to Formaldehyde-based Hair-straightening Product.” Case Report, 2022.

10. Saleh, A.A. et al. “Effect of ‘Protein Hair Straightener’ on Hair Shaft by Scanning Electron Microscopy.” 2020.